Chant relatif a la tyrannie de Pomare en Tahitien recueillie pa "les mémoires Marau Taaroa"
Voici ce chant en Tahitien :
Tunui eaa ite atua ite unu ma terai
Ite vanaa a Tane
Terii e tu ite rai i Raianaunau
Taaroa manahune i hiti, hiti rai moemoe noa
Tetua matauroa hia I Raianaunau
Papa ite rai e uero hia
Ruia te rai i nia na
Vanaa naa irihau tia e maeva ite pu o Roo
Rere te ura I Hauviri. E arii pau te metua e
Aueaue o Tahiti atoa na
Ite haerea mai o to arii o Tetuanui haanarurai
Tei hume ae ite maro ura no Hauviri e
Ite pa iti to maro ura e tau arii
Manava I to arii e Teina iti e, Te arii mearau
Tei faaohaoha ite pu o Mahu
Na rapae oe ite rau ote ura o Hitiaa
Tei Vaea ite oehau, tei Vaiovau o te fare taeae
A haere, a haere atu i tai o Tautira
Ua hoi a muri to tai ite fenua ia tarahoi
I te muhu a Pare
Pupu oaha tei unu otia te ara i Vaihe
Tei tahuaitu paepae orero te mea e noho mai
Pomare te arii ite huru o tona aia
A rohi e Pare ite taua ite faarii
Ite niu taurua ite fare i Poumariorio
Pomare te arii ahurai ite ao faatio o Tane
A rohi e Pare ite taua ite faarii
Haere ao uri, haere ao tea Tu hara
Unu nui e tatafana Temaehu,
O moo marae o Raianunau
No pare ite reo fatia ahiahi tumu ore
O te apoo aru tuia hotu ai tatou e nohe ai e
A rohi e Pare
Ite taua ite faa rii ite taua
Te hau moua o Tamahune, a topa
A totoro i tai i te mahora, a tapoi ite hara haamoe
I te utuafare o Ariipaea, Taaroa manahune
Tei tapea ite tara ia Taumaha
A rohi e Tahiti.
Pomare te arii
Ite Rapa a te manu o te reva,
Tei rere mai ite utua o Mahurua
Maro ra oe e tau arii, e fenua maitai
E tuu to tohe i nia o Tarahoi, te maoae rii
Na matai are vaovao a tira te hani aipo
Te hui tapairu o Pare, Ariitiria Taaroa manahune
A rohi e Pare
Ite taua ite faarii Pomare
Te arii ite hopu a te manu tau raa ore
E arii e, e arii ai tamai no te Porionuu
Arue e toa ia Tahiti i mate ite hara o to arii
E Pare, ite utu I Mahurau, ite aro o Tauraatua
Ua ruru ae nei o na manorua ote oropaa
Tau mate Tefana I Ahurai
E manu faite na Pohuatea raua o Tetoofa,
Faaite atu na ua mate arii ite haere mai
O Pare ite utu i Mahurau
E Teina e, a rapu ite orero, a rapu te orero,
Faaea ote orero.
E arii tai ore, e arii aroha ore
I tona taeae, teie matou e aura noatu nei
I Matahihae, ite aro o Vehiatua.
Rauti ra e, a rave rauti ra, e rave ia mate.
Ite poroi a te arii Tunui eaa ite Atua
Te arii ite hopu a te manu haere.
E arii mea rau tei parahi i nia ite vaa ia mate
Tau mate ono ia Tahiti e
E te hau moua o tamahune, a totoro, a toro i tai
A tapoi ite hara huna hia
Ite utuafare o Taaroa manahune
I hiti ae i nia o Tamahune
Maro ra oe e tau arii
E fenua maitai o Tahiti
Ua tuu to tohe i nia iho
Pomare te arii faatia hia o Tane.